Lyrics:
|
|
The pipie is dozie, the pipie is fey,
He winna come roon’ for his vino the day.
The sky ow’r Messina is unco an’ grey,
An ’a’ the bricht chaulmers are eerie.
Then fare weel ye banks o’ Sicily,
Fare ye weel ye valley and shaw.
There’s nae Jock will mourn the kyles o’ ye,
Puir bliddy swaddies are wearie.
Fare weel, ye banks o’ Sicily,
Fare ye weel, ye valley and shaw.
There’s nae hame can smoor the wiles o’ ye,
Puir bliddy swaddies are wearie.
Then doon the stair and line the waterside,
Wait your turn, the ferry’s awa’.
Then doon the stair and line the waterside,
A’ the bricht chaulmers are eerie.
The drummie is polisht, the drummie is braw
He cannae be seen for his webbin’ ava.
He’s beezed himsel’ up for a photy an a’
Tae leave wi’ his Lola, his dearie.
Sae fare weel, ye dives o’ Sicily
(Fare ye weel, ye shieling an’ ha’),
We’ll a’ mind shebeens and bothies
Whaur kind signorinas were cheerie.
Fare weel, ye banks o’ Sicily
(Fare ye weel, ye shielings an’ ha’);
We’ll a’ mind shebeens and bothies
Whaur Jock made a date wi’ his dearie.
Then tune the pipes and drub the tenor drum
(Leave your kit this side o’ the wa’).
Then tune the pipes and drub the tenor drum
A’ the bricht chaulmers are eerie.
Vocabulary:
pipie = pipe major
dozie = sleepy
fey = acting in a strange manner (as if having a presentiment of something
out of the ordinary, or of death)
unco = strange, unusual
chaulmers = rooms
kyles = straights
smoor the wiles = obliterate your fascination (literally,'smother')
drummie = drum major
beezed = polished (beezin = spit and polish)
shielin = hut
byres and bothies = cow sheds and cottages
shebeens = boozers, drinking dens
|